سعودی عرب میں مسجد پرحملہ ،خاتون سمیت 5افراد شہید ،متعدد زخمی

دہشت گردوں نے ایک بار پھر سعودی عرب کو اپنی مذموم سرگرمیوں کا ہدف بنا یا ہے جہاں دہشت گرد نے مسجد پر فائرنگ کرکے خاتون سمیت 5 شہریوں کو شہید اور متعددزخمی کردئیے ۔سعودی فورسز کی جوابی کارروائی سے حملہ آور بھی ہلاک ہو گیاجبکہ حملہ آور کے دو ساتھیوں کو گرفتار کرلیا گیا ہے ۔عرب ٹی وی کے مطابق سعودی عرب کے مشرقی شہر سہیت میں واقع مسجد کے باہر دہشت گرد نے فائرنگ کردی جس سے خاتون سمیت 5 افراد شہید جبکہ متعدد شدید زخمی ہو گئے جن میں سے بعض کی حالت



تشویش ناک بتائی جا رہی ہے ۔

واقعے کے عینی شاہد نے غیر ملکی خبر رساں ادارے سے بات کرتے ہوئے بتا یا کہ حملہ آور ٹیکسی پر آیا جسے چیک پوائنٹ پر پولیس نے روکنے کی کوشش کی تو حملہ آور نے فائرنگ شروع کردی جس سے متعدد افراد زخمی ہو گئے۔پولیس کی جوابی فائرنگ سے حملہ آور بھی ہلاک ہو گیا۔اس سے قبل سعودی عرب کے مغربی شہر القدیح میں مئی کے مہینے میں خود کش حملہ آور نے جمعے کی نماز کے وقت دھماکہ کر کے 21افراد کو شہید اور 81کو زخمی کیا تھا ۔اس حملے کی ذمہ داری داعش نے قبول کی تھی ۔